Китапханәдә Мөсәгыйть Мостафинны искә алдылар

Күргәзмә укучыларны кырык беренче августта үз теләге белән фронтка киткән язучы-фронтовик Мөсәгыйть Мостафа улы Мостафин белән таныштыра. Ә шул ук елның декабрендә ул һәлак була. 

Сугышка кадәр аның өлкәннәр өчен “Очрашу”, “Тыңлыйсыңмы, кордаш?” дигән ике җыентыгы һәм балалар өчен “Үсеш” җыентыгы дөнья күрде.

 Үз хикәяләрендә ул гади кешеләрне көндәлек тормышта сурәтли, нечкә юмор белән үткән тормышны тасвирлый. Аның хикәяләре лирик яңгырашы һәм халык образлы теленә якын булуы белән аерылып тора.