Китапханә скверында «Солдат –ул һәрвакыт солдат» район патриотик фестивале узды

"Солдат – ул һәрвакыт солдат" фестивале безнең районда беренче тапкыр      Президент грант ярдәме алган «Za Победу» проекты кысаларында Үзәк район китапханәсе оештырды.  

Фестивальдә Югары Ослан муниципаль районы башлыгы урынбасары Сергей Осянин, Югары Ослан районы хәрби комиссары Рәшит Фәсхетдинов, “Россия Әфганстан ветераннары берлеге” Бөтенроссия иҗтимагый оешмасы җитәкчесе Сергей Плеханов, Украинада махсус хәрби операция катнашучысы Александр Быков, “Алдынгылар хәрәкәте” җирле бүлеге җитәкчесе Артем Макаров катнашты. 

 Алар барысы да яшь буынга солдатларыбызның батырлыгы, аларның  рухи көче аркасында Россия һәрвакыт көчле һәм бәйсез дәүләт булып калды, дигән сүзләр белән мөрәҗәгать иттеләр. Бары тик үз иленең, үз халкының, үз гаиләсенең тарихын белгән һәм хөрмәт иткән, үз бабаларының даны белән горурланган, үз иле өчен борчылган кеше генә Россия өчен җаваплылык йөген үз өстенә алырга сәләтле чын граждан булырга мөмкин.  Фестивальдә  “Нетленна память о войне” район китап укучылар конкурсында, “Ради жизни на земле” онлайн-акциясендә, “Калейдоскоп мужества” викториналары җиңүчеләре һәм катнашучылары бүләкләнде.

 Һәркем уен мәйданчыклары эшендә катнаша, патриотик темага китаплар, хәрби экспонатларның музей экспозициясе белән таныша, викториналарда һәм мастер-классларда катнаша алды.

Чарада катнашучылар хәрби тематиканың тере картиналары фонында фотога төште. "Кыр кухнясы" эшләде, анда һәркем солдат котелогыннан тәмле хуш исле ботка ашый алды. 

 Оештыручылар  чараның яшь буынның Ватанга мөнәсәбәте турында уйларга мәҗбүр итәр дип ышанып калалар.