Казанда Идел Болгарында ислам кабул ителүнең 1100 еллыгына багышлап кулдан Коръән язу башланды

12 гыйнварда Казанда "Кол Шәриф" мәчетендә Идел Болгарында ислам кабул ителүнең 1100 еллыгы уңаеннан мөһим чара узды - мәчет каллиграфы Антон Писаренко кулдан язылган Коръән язуга кереште. Бу изге эш бөтен илдән мөфтиләр һәм дин әһелләре катнашында тантаналы шартларда узды.

Татарстан мөфтие Камил хәзрәт Сәмигуллин бу вакыйганы бик мөһим дип атады, чөнки Россия дә ислам дөньясының бер өлеше булуын күрсәтә.

- Бу дата нәрсәсе белән мөһим? Ул исламның бу илдә ят түгеллеген күрсәтә, бу читтән килгән ниндидер дин түгел, ә 922 елда, Русьны чукындыруга караганда да иртәрәк, Россия Федерациясе территориясендә барлыкка килгән беренче дин - ул ислам, - диде Сәмигуллин журналистларга.