Югары осланлылар «Алдынгылар хәрәкәте» остазларының I җыенында катнашалар

Кичә, 27 февраль көнне, Идел буе дәүләт физик культура, спорт һәм туризм университеты базасында Татарстан Республикасының «Алдынгылар хәрәкәте» төбәк бүлекчәсе остазларының I җыены башланды. Җыен эшендә безнең район остазлары Артем Макаров, Ямбулат авыл җирлеге башлыгы, Мария Шагиәхмәтова, өстәмә белем бирү үзәге директоры, Евгения Калмыкова, Югары Ослан мәктәбенең педагог оештыручысы һәм Иннополис мәктәбе укытучысы Светлана Козлова катнашты.

Тантаналы ачылыштан соң җыенда катнашучыларны Татарстан Рәисенең ярдәмчесе, хәрәкәтнең төбәк бүлеге советы рәисе Тимур Сөләйманов сәламләде.

 Тимур Җәүдәт улы үз чыгышында балалар һәм яшьләрнең гомумроссия иҗтимагый-дәүләт хәрәкәте турында сөйләде, шулай ук хәрәкәтнең максатларына, кыйммәтләренә һәм принципларына җентекләбрәк тукталды.

Шулай ук җыелучылар алдында программалы директор, I җыен остазларының тренеры Анна Фельдман чыгыш ясады, ул җыенда булачак эш принциплары турында сөйләде. Өч көн дәвамында педагогларга һәм остазларга хәрәкәтнең 12 юнәлеше һәм республикабызда эшләп килүче 13нче юнәлеш - «Туган тел, милли мәдәният һәм гореф – гадәтләр» тәкъдим ителәчәк. Беренчел бүлекләрнең нәрсә икәнлеге һәм аларның эшен ничек башлап җибәрү, җәмгыять эчендә эшне ничек формалаштыру һәм башкалар турында сөйләшәчәкләр.

Шуны да билгеләп үтәргә кирәк, безнең районда "Алдынгылар хәрәкәте"нең  беренчел бүлекләре ачылды инде.  2 февральдә Гомумроссия хәрәкәтенә Иннополис һәм Югары Ослан мәктәпләре кушылды. Бу уку йортлары укучылары эшкә актив кушылды инде.