Югары Осланда “Әни белән имин юллар өчен” бәйгесе узды
Югары Ослан урта мәктәбенең башлангыч сыйныф укучылары һәм аларның әниләре “Әни белән имин юллар өчен” дигән профилактик-агитация чарасында катнаштылар.
Әниләр һәм балалар, шулай ук Дәүләт автоинспекциясе һәм "Юл хәрәкәте иминлеге" ДБУ хезмәткәрләре мәктәпнең спорт залында җыелдылар, анда алар өчен конкурс-уен биремнәре әзерләнгән иде. Катнашучыларга юл билгеләрен ачыкларга, киләчәк машинасын ясарга, транспорт төрләре турында сөйләргә тәкъдим ителде. Шулай ук әниләр велосипедта фигуралы идарә итү күнекмәләрен, ә балалар - юл йөрү кагыйдәләрен белүләрен уенчык машиналар мисалында күрсәттеләр.
Чара азагында Дәүләт автоинспекциясе һәм “Юл хәрәкәте иминлеге” ДБУ хезмәткәрләре әниләрне киләчәк бәйрәм белән котладылар, һәрвакыт тәртипле юл хәрәкәтендә катнашучылар булырга һәм үз мисалларында балаларын юлларда кагыйдәләрне дөрес кулланырга өйрәтүгә өндәделәр.
Следите за самым важным и интересным в Telegram-каналеТатмедиа
Нет комментариев