Югары Ослан районында 21 мең тоннадан артык ашлык суктырылган
Районның Авыл хуҗалыгы һәм азык-төлек идарәсе белешмәләренә караганда, 24 августка район буенча 8 836 гектарда бөртекле культуралар җыеп алынган, бу урып-җыю планының 70,5%ын тәшкил итә.
Бөртеклеләр 21 486 тонна суктырылган, уртача уңыш һәр гектардан 24 центнер тәшкил итә. Районның өч хуҗалыгында урып-җыю кампаниясе финиш юлына чыкты. ҖЧҖ "Белая утка" - 99,5%ка, "Прокопьева А.И." КФХсы - 97,3%ка, барлык мәйданның 92%ыннан артыгы “Заря” агрофирмасында җыелган.
Бөртекле культуралар буенча уңыш:
- көзге арыш - 31,5 цн/га
- көзге бодай - 25 цн/га
- арпа - 21,5 ц/га
Моннан тыш, районда рапс җыюга керештеләр. “Август-Кама Тамагы” игенчеләре басуга 13 комбайн чыгардылар. Бүгенгә 542 гектарда 848 тонна суктырылган. Уртача уңыш 15 цн/га тәшкил итә.
Следите за самым важным и интересным в Telegram-каналеТатмедиа
Нет комментариев