Югары Ослан мәктәбендә Билгесез солдат көне алдыннан очрашу узды
2 декабрьдә Билгесез солдат көне алдыннан яшьләр клубы хезмәткәре Римма Троицкая Югары Ослан мәктәбе укучылары өчен батырлык дәресе үткәрде.
Бу хәрби дан көне РФ Президенты Указы белән 2014 елда гамәлгә куелды.
Шул вакыттан алып ел саен декабрьнең беренче көннәрендә районда патриотик юнәлештәге чаралар уза.
Районда беренче эзләү отряды нәкъ менә бу мәктәптә 2014 елның сентябрендә оештырылды. Шул вакыттан бирле район эзтабарлары ел саен сугыш кырларына чыга, хәрби архивлар белән эшли.
Римма Сергеевна җитәкчелегендәге яшь югары осланлыларның эзләү хәрәкәте нәтиҗәсендә Бөек Ватан сугышының билгесез солдатлары саны сизелерлек кимеде. Конкрет күмү урыннары табылды.
Дәрес барышында бишенче сыйныф укучыларына эзләү отряды эше турында видеоролик тәкъдим ителде.
Римма Троицкая сөйләве нәтиҗәсендә балалар Мәскәүдә Билгесез солдатка һәйкәл тарихы турында төгәлрәк белделәр.
Фото район порталыннан
Следите за самым важным и интересным в Telegram-каналеТатмедиа
Нет комментариев