Герой якташыбыз Нәбиулла Зиннуров
Ватаныбыз - Россия героик ил. Россиянең дошманнары күп, ләкин аңа һөҗүм итүгә карамастан, безнең илебезне беркем дә җиңә алмады. Безнең илебезнең кешеләрнең батырлыгы һәм каһарманлыгы аркасында без һәрвакыт җиңүчеләр булып калабыз. Без илебез геройларын белергә, истә тотарга һәм хөрмәтләргә тиеш.
Мәмәтхуҗа авылы мәдәният йортында “Герой якташыбыз Нәбиулла Зиннуров” дигән әңгәмә узды. Сәнгать җитәкчесе Елена Седова балаларны Советлар Союзы Герое, якташыбыз Зиннуров Нәбиулла Шәфыйк улы тормышы һәм батырлыгы белән таныштырды. Ул Татар Мәмәтхуҗасы авылында туып-үскән. Сугыш башлануга илебезне фашистлардан азат итәргә чакырылган. Киевны азат иткән вакытта ул үзенең батырлыгын күрсәтә. 1943 елның 3-5 ноябрендә Нәбиулла Зиннуров үз үрнәге һәм батырлыгы белән сугышчыларны атакага алып бара, дошманның берничә контратакасын кире кайтара. Сугышта ул яралана, ләкин шуңа карамастан сугышуын дәвам итә.
Сугыштан соң Ульяновский шәһәрендә яши һәм эшли. Нәбиулла Шәфыйк улы 1956 елда вафат була. Геройның исеме белән Югары Ослан гимназиясе атала, Югары Осланның бер урамына аның исеме бирелә, туган авылы Мәмәтхуҗада Нәбиулла Зиннуров исемендәге сквер ачылып, анда агачлар утыртыла. Ә геройның бюсты Югары Ослан Геройлары паркында урнаштырылган.
Үткәрелгән чара яшь буынны илебезнең данлы үткәне турында тагын бер кат искә төшерү, үз гомерләрен Ватан хакына биргән каһарманнар өчен горурлык хисе тәрбияләү максатыннан кабул ителде. Без герой солдатларыбыз белән горурланабыз, алар Ватанга чын тугрылык үрнәген күрсәтәләр.
Следите за самым важным и интересным в Telegram-каналеТатмедиа
Нет комментариев