Гаилә елының рәсми логотипы тәкъдим ителде
Логотипның төсләре бала тудыру йортларында сабый туганнан соң ук киелгән исемле биркаларга охшаш.
Гаилә елының оештыру комитеты логотипны һәм "Милли приоритетлар" АНО командасы эшләгән фирма стилен тәкъдим итте.
«Йөрәкнең икегә бүленүен тасвирлау кешеләр гомерләрен дәвам итү һәм башка буыннарга тапшыру өчен бергә булырга карар кабул иткәндә гаиләне тудыра торган ике язмышны күрсәтә», - дип сөйләде АНО генераль директоры, Гаилә елының оештыру комитеты әгъзасы София Малявина.
Ул аңлатканча, концепциядә башларына орынып торган ике аккош образы кулланылган, каурыйлыларның муен сызыклары йөрәк формасын алган. "Алар еллар аша узган мәхәббәт һәм тугрылыкны символлаштыра", - дип өстәде Малявина. Логотипның төсе бала туганнан соң ук кидерелгән исемле биркалар төсе белән тәңгәл килә.
2023 елның 22 ноябрендә Президент Владимир Путин указга кул куйды, аның нигезендә 2024 ел Россиядә Гаилә елы булачак. Документта билгеләп үтелгәнчә, карар гаиләне яклау һәм традицион кыйммәтләрне саклау өлкәсендә дәүләт сәясәтен популярлаштыру өчен кабул ителгән. 9 гыйнварда Хөкүмәт чаралар планын раслады.
Следите за самым важным и интересным в Telegram-каналеТатмедиа
Нет комментариев