Фольклор бәйрәме «Нәүрүз»

2024 нче елның 28 нче мартында Вахитов Мәдәният йортында Вахитов авыл китапханәсе мөдире (Сәлимуллина Сания Лотфулла кызы), Яңа- Юл авыл клубы (Ефимова Сәрия Аграт кызы) белән берлектә фольклор бәйрәме «Нәүрүз-2024» уздырылды.

Бу чарада Бөтендөнья татар конгрессының Югары Ослан муниципаль районы җирле бүлекчәсе рәисе Дәүләтшина Гөлгенә Искәндәр кызы катнашты. Ул үзе белән балалар өчен төрле тәм-томнар алып килде. Килгән ата-аналарны Гаилә елы белән котлап,  гаилә бәхете, гаилә иминлеге теләде. Шулай ук бәйрәмдә Яшьләр клубы каршындагы "Яшьләр" төркеме җитәкчесе Алинә Салахова җитәкчелегендә кызлар төркеме биюләре белән катнашты.

Мөдир Гөлназ Фәттахова, бәйрәмне ачып, аның тарихын мөселман бәйрәме буларак кына түгел, ә яңа тормышның башлануын символлаштырган, кешелекнең иң борынгы бәйрәмнәренең берсе буларак икәне турында сөйләде. Мөселман Яңа елының исеме төрле халыклар телләрендә төрлечә яңгыраса да, аны бәйрәм итү традицияләре барлык илләрдә дә бертөрле. Бу бәйрәмгә зур һәм төрле программа әзерләнде. Чарада балалар, сәламәтлек һәм иминлек теләп, урам буйлап өйләргә керделәр һәм авылдашларын ел саен үткәрелә торган бәйрәмгә чакырдылар. Бәйрәм хуҗалары балаларга бүләкләр бирделәр.

Бәйрәм халык уеннары, биюләр, чәй эчү белән дәвам итте. Бәйрәм барышында барлык балалар да Убырлы карчык һәм Шүрәле белән күңелле конкурсларда һәм уеннарда катнаштылар. Чара вакытында төрле халык уеннары уздырылды,  алар мәдәният хезмәткәрләре башкаруында концерт номерлары белән чиратлашты. Халык һәм кунаклар җырларны тыңладылар, биюләрне алкышлар белән каршы алдылар. Балалар түгәрәк ясап уеннарда катнаштылар, алар өчен кызыклы күңел ачулар оештырылды.

Бәйрәм атмосферасы  тамашачыларның кәефен күтәрде. Кунаклар һәм ата-аналар җырларны тыңладылар, төрле ярышларда катнаштылар. Бу бәйрәм - тере риваять, борынгы заманнардан алып безнең көннәргә кадәр Нәүрүз үз традицияләрен саклап калган.