Чемпион спорткомлексында бокс ярышлары узды
Югары Осланның «Чемпион» спорт комплексында Халыкара спорт мастеры Лариса Кобелева истәлегенә бокс буенча ярышлар булып узды.
Ярышларда Югары Ослан спорт мәктәбенең бокс бүлегендә шөгыльләнүче егетләр һәм кызлар катнашты. Ярышларның баш хөкемдары - Тихонов Владимир Ильич.
Ярышлар мавыктыргыч булды, катнашучылар лаеклы көрәшкә һәм җиңүгә омтылды. Һәркем үзенең спорт осталыгын бокс бәйгеләрендә күрсәтте.
Үз яшь категорияләрендә беренчелекне Айдамирова Алинә, Чубынина Александра, Фасахов Салават, Садертдинов Инсаф, Баландин Эмиль, Жильцов Дмитрий, Закиров Тимур яулады.
Бәйгенең җиңүчеләре һәм призерлары медальләр һәм грамоталар белән бүләкләнде. Ә җанатарлар ярышлардан бик күп якты тәэсирләр алдылар. Һәр катнашучы рингтан медаль булмаса да, кыйммәтле тәҗрибә алып китте.
Следите за самым важным и интересным в Telegram-каналеТатмедиа
Нет комментариев