Бүген автомобильчеләр көне

Машинагыз нинди төстә? Ә сез белә идегезме тимер атның төсе аның хуҗасының холкын сиздерә икәнлеген? Тикшереп карыйк әле, туры киләме икән.
Ак. Тыныч холыклы, юлда үзен сак тотучы кешеләр бу төсне сайлый. Алар юл хәрәкәте кагыйдәләрен төгәл үтәргә тырыша.
Кызыл. Кызыл төстәге машинаны башкалардан аерылып торырга, игътибар үзәгендә булырга теләүчеләр сайлый.
Яшел. Актив, аралашырга яратучы кешеләр машинасы.
Зәңгәр. Зәңгәр төс тыныч холыклы кешеләргә хас.
Сары. Кәефне күтәрә, оптимизм бирә. Кояш төсе хуҗасына юмартлык, рухи яктан җылылык бүләк итә.
Көлсу, көмешсу яки металл төсе. Болар - нейтраль төсләр, шунлыктан иң популярлы. Анда пычрак та бик күренми. Мондый төскә өстенлек бирүчеләр акыл белән эш йөртә, эмоцияләргә бирелми.
Кара. Мондый төстәге машина хуҗасының уңышка ирешүен күрсәтә. Кара төстәге машинаны үзенең социаль дәрәҗәсе югары булуын күрсәтергә теләүчеләр ала. Кешеләр дә аны шулай кабул итә.