Банк кушымталары белән бәйле яңа мошенник схемасы ачылды

Мошенниклар россиялеләрдән банк кушымталарын яңартуны сорый башлады. Имеш, шулай гына кушымтага кереп акчаларны саклап калырга мөмкин. 

Алдау схемасы этаплап болай күренә:

• Корбанга мошенник шалтырата һәм үзен банк хезмәткәре дип таныштыра. Шалтыратучы (скамер) банкның яңа кушымтасын урнаштыруны сорый, чөнки алдагысы искергән яки банк ярдәмен югалткан. 
• Аннары җинаятьче СМС буенча сылтама җибәрә, ул банк клиентының яңартылган версиясен шуннан алырга мөмкин булган урынга алып бара - чынлыкта бу кушымта-вирус, ул кулланучыларның мәгълүматларын урлый.
• Корбан программаны урнаштыргач һәм барлык рөхсәтләрне биргәч, программа парольләрне һәм карталарның реквизитларын урлый. Акча шунда ук юкка чыга һәм алдаучыларның счетларына эләгә. 

Фейк программаларны урнаштырмас өчен исегездә тотыгыз:

• Банклар кушымтаның яңа версияләре турында мәгълүматны бары тик үзләренең рәсми каналлары аша гына җибәрә.
• Сезнең банкның кушымтасын урнаштыру һәм яңарту турында дөрес мәгълүматны аның рәсми ресурсларында эзләгез.
• Сезнең белән элемтәгә чыккан ят кешеләр кем генә булып тоелмасын, программаларны алар әйтүе буенча куймагыз.