“Балачак – бәхетле чак”

2023 нче елның 25 нче июлендә Татарстан Республикасының халык шагыйре Роберт Мөгаллим улы Миңнуллинның тууына 75 ел тулу уңаеннан Октябрьский авыл китапханәсендә «Балачак - бәхетле чак» - әдәби кичәсе узды.

Китапханәче Гүзәл Азизова балаларны шагыйрь тормышы белән таныштырды, Роберт Мөгаллим улы - татар балалар шагыйре, ул балаларның холкын һәм рухын төрле яклап үстергән шәхес. Аның шигырьләре геройлары -  шаярулары һәм шатлыклары, проблемалары һәм кичерешләре булган төрле яшьтәге малайлар һәм кызлар. Чара барышында балалар шагыйрь әсәрләре белән таныштылар, аларның кайберләрен кычкырып укыдылар.