29 ноябрь Татарстан Республикасы флагы көне

Флагның авторы - Татарстан Республикасының халык рәссамы, Г. Тукай исемендәге Дәүләт премиясе лауреаты Тавил Хаҗиәхмәтов. 

Татарстан Республикасы Дәүләт флагы көнен бәйрәм итү алдыннан Вахит авыл китапханәсендә мәдәният йорты хезмәткәре белән берлектә урта мәктәп яшендәге балалар өчен «Татарстан Республикасы Дәүләт флагы кабул ителү көне» дигән мәгълүмат сәгате үткәрелде.

Китапханәче Сания Сәлимуллина балаларга беренче флагларның кайчан барлыкка килүе, триколор төсләренең нәрсә аңлатуы, ТР флагының нинди очракларда күтәрелүе турында сөйләде. Балалар өч рәсми символ: Татарстан Республикасы флагы, гербы һәм гимны турында кызыклы фактлар белделәр. Шулай ук «Минем Республикам» темасына мини-викторина уздырдылар. Чараның төп максаты - милли үзаңны күтәрү, халыкның бердәмлеген ныгыту һәм Татарстан флагын республика халкын берләштерүче символ буларак популярлаштыру.