Теле юкның иле юк

Туган тел төшенчәсенә зур мәгънә салынган. Ул ватан, туган җир, ата-ана сүзләре белән бер үк дәрәҗәдә торучы бөек, изге һәм кадерле сүз. Ул телне шуңа күрә туган тел дип атыйлар да. Ул телгә баланы аның иң газиз, иң якын кешесе - әнисе өйрәтә, шул телдә аңа бишек җырлары җырлый, иркәли, юата. Шуңа күрә аны халык ана теле дип атый.
Яңа Болгар авылы клубында “Татар телем-мәрҗән телем” дигән кичә узды. Бу очрашуга килгән кунаклар, балалар туган телгә багышланган әйтемнәр, мәкальләр, бишек җырларын искә төшереп уттеләр. Алып баручы кичәне шушы сүзләр белән төгәлләде:
- Безнең телебез – матур, күркәм тел. Әгәр туган тел кулланылмый башласа, ул милләт юкка чыга. Моның өчен сугыш та, кан кою да кирәкми. Телең бетердең исә, үз халкыңның әдәбияты да, мәдәнияте дә, гореф-гадәтләре дә бетә. Безнең бурыч – халкыбызда милли аң, милли горурлык уяту, телебезне саклап калу. Тел өчен көрәш – милләт өчен көрәш ул.
Татар телем - мәрҗән телем!
Минем җандай кадерлем,
И җылы, тере телем!
Кайгылар теле түгел син,
Шатлыгым теле бүген.
Тик синең ярдәм белән мин, 
Тик синең сүзләр белән
Уйларын йөрәккәемнең
Дөньяга әйтә беләм.
Айгөл Нуриева, Яңа Болгар авылы